Agdamdamilikami Lyrics - Ilocano Songs

Agdamdamilikami Lyrics - Ilocano Songs
(We are pot makers)

Taga-San Nicolaskami nga agdamdamili
Naragsak ti biagmi, awan dukdukotmi
Nupay aduda a manglalais kadakami
Ta napanglawkam' nga agdamdamili

Tay napigket a daga
Gamayenmi nga umuna
Warakiwakan ti darat,
Ramasen tukelen
Ta tapnon agdedekketda nga nalaing
Ket nalaklaka nga intay bibiren

Isagana't pagbibiran
Tay rigis ken danum
Tay natukel a daga
Teptepen nga umuna
Ket itan buklen tay ngarab ti banga
Pulpuligusem tapno nalinis latta.

Tay nabibir a daga
Nga inkam' inpamaga
Pitpiten a buklen
Nalaka a padakkelen
Idiiden pulaan sa ibilag manen
Santo gebbaen ading intan mangilin.

Agdamdamilikami Lyrics - Ilocano Songs

Imdengam O Imnas Lyrics - Ilocano Songs

Imdengam O Imnas Lyrics - Ilocano Songs 
(Listen, O Precious One)

Imdengam, O Imnas
Ta inka kad mangrikna,
Kadagitoy nga un-unnoy,
Toy gumawgawawa.
Ammuen nga toy ayatko
Nagtaud gapu kenka,
Sika awan sabali
Kinayawam daytoy rikna.

Apay apay dayta nakem,
Agmayeng, mangduadua,
Wenno ipagarupmo aya nga rabrabakenka?
Saan, saan, saan biagko,
Punasem kad dayta duadua,
Awanen ti ay-ayatek
No di la siksika.

Imdengam O Imnas Lyrics - Ilocano Songs