No Siak ti Agayat (If I were the one to love) Lyrics - Ilocano Songs
No siakto ti agayat
Kadagita nga pintasmo
Dikanto paulogen
No nalamiis ti tiempo.
Tay-akto nga payatam,
Butaka nga pagtugawam,
Ap-apakto't paniolito,
Paniolito ni Lirio.
No koma no mabalin
Agbalinak nga singsing,
Nga umay umapiring
Ta ramaymo no mabalin.
No koma no piniaka
Burasenka nga naata,
Kanenka nga naganus,
Paluomennaka toy pusok.
No makitak Ading
Napintas a pingpingmo,
Rosas nga eberlasting
panangkita toy matak.
ket uray no matayak
Duapulo't uppat oras,
No makitak isemmo,
Dagus met nga agbiagak.
(Chorus)
No sika la koma,
Maysa a kendi lemon,
Iparabawka toy dilak
Tuliden tultuliden.
Saanka a kagaten,
Saanka met alimonen,
Ket ditoy rabaw dilak
Abalbalayen.
No siakto t'agayat
Ading ta imnasmo,
Saanka a palubosan
No dakes ti tiempo.
Tay banglo pagtugawam,
Aplagak paniolito.
Ken daytay pagiddaam,
Abbungakto ay-ayat.
No Siak ti Agayat (If I were the one to love) Lyrics - Ilocano Songs
No comments:
Post a Comment