As-asug dagiti Kararua - Ilocano Songs

As-asug dagiti Kararua - Ilocano Songs
(The complaints of the souls)

O inami nga bumalay,
Agriingkay nga agmurmuray
Siak ita di kararua
Di minatayyo nga immununa

Addaak ti arubayan
Nga arsadanan ti agdan
Agdan nga inulogan
Idi ipandak idiay simbaan.

Ket idi indak impisok
Di abot inkay kinotkot
Luayo di agarubos
Ket sangityo ti di mabubos.

Ket idi indak gaburan
Luayo di agarubayan,
Sangityo ti di mabubusan,
Ket bangkayko ti inkay gawidan.

Ket idi indak panawan
Kamposanto nga kalawaan,
Leddaangyo ti napalaluan,
Adu nga lua di agpatinggan.

Ket idi inkay nakasangpet
Balay nagpaiduma't ngayed
Timekyo awan ti mangmangngeg
No di ti adu nga saibbek.

Nadanon ti ikakasiam,
Idi kuan ti ibubulan,
Pinagtawen di napuotan,
Sa lagipyo kaniak inaw-awan

Kasta la ti kasasaad
Ti aglak-am adu nga rigat.
Leddaang kas di malasat,
Ngem ti Apo't mangted supapak.

As-asug dagiti Kararua - Ilocano Songs




Bulan Sardam Lyrics - Ilocano Songs

Bulan Sardam Lyrics - Ilocano Songs 
(Evening moon)

Bulan sardam
Pambian ti babbalasang
Pagsunayan ti babaknang
Baknang nga i-San Juan
San Juan a i-Bamban

Bulan Sardam Lyrics - Ilocano Songs